Qar yağdı; Quba-Xınalıq yolu bağlandı - YENİLƏNİB - FOTO
Gündəm
24 Mart 2015 00:40
Oxunub 1405
Hazırda yolun qardan təmizlənməsi və açılması üçün əraziyə texnika və canlı qüvvə cəlb olunub
Ötən gündən başlayaraq Quba rayonuna yağmağa başlayan qar bir sıra fəsadlara səbəb olub. Avtosfer.az-ın APA-ya istinadən məlumatına görə, güclü qarın yağması nəticəsində Quba-Xınalıq yolunda avtomobillərin hərəkəti məhdudlaşıb. Quba 6 saylı Yol İstismar İdarəsindən (Yİİ) verilən məlumata görə, yolun 30-cu km-dən sonra Xınalıq istiqamətinə maşınların hərəkəti qeyri-mümkündür.
Hazırda yolun qardan təmizlənməsi və açılması üçün əraziyə 5 saylı Yİİ-nin texnikası və canlı qüvvəsi cəlb olunub.
***
Xınalıq istiqamətində avtomobillərin hərəkəti üçün yaranan problem tam aradan qaldırılıb. Bu barədə APA-nın şimal bürosuna Quba 6 saylı Yol İstismar İdarəsinin (Yİİ) sahə rəisi Bilal Sultanov məlumat verib. Onun sözlərinə görə, səhər saatlarından etibarən yolun qardan təmizlənməsi və açılması üçün əraziyə 6 saylı Yİİ-nin texnikası və canlı qüvvəsi cəlb olunub. Texnikanın köməkliyi ilə Xınalıq istiqamətində avtomobillərin hərəkəti üçün yaranan məhdudiyyət tam aradan qaldırılıb.
ŞƏRH YAZ
DİGƏR XƏBƏRLƏR
