Qarlı havada artan qəzalar: Sığorta şirkəti “yaxasını kənara çəkə” bilər? – AÇIQLAMA

"Qarlı hava şəraiti zamanı baş verən qəzalar zamanı avtomobilə dəyən zərərin sığorta şirkəti tərəfindən ödənilməsi və üçüncü şəxslər qarşısında yaranan öhdəliklərin yerinə yetirilməsi icbari sığorta qaydalarına əsasən tənzimlənir”.
Nəqliyyat məsələləri üzrə ekspert Elməddin Muradlı bunu deyib.
Ekspert əlverişsiz hava şəraitində baş verən qəzalar zamanı sürücülər tərəfindən yalnış bilinən məsələyə aydınlıq gətirib:
“Bəzi sürücülər hesab edirlər ki, qarlı və buzlu havada qəza baş verərsə, hər kəs öz avtomobilinin təmir xərclərini özü ödəməlidir. Lakin belə bir qanun mövcud deyil. Bu, illər öncə naməlum mənbədən yayılan yanlış məlumatdır və bəzi sürücülər hələ də buna inanırlar. Qarlı hava şəraitində qəzaların əksəriyyətinin qəsdən törədilmədiyi məlumdur. Lakin burada müəyyən qədər məsuliyyətsizlik də var. Sürücünün keyfiyyətsiz avtomobil təkərindən istifadə etməsi, onun kifayət qədər sürücülük təcrübəsinə malik olmadan yola çıxması və ya yol şəraitinə uyğun olmayan sürətlə hərəkət etməsi qəzanın baş vermə riskini artırır. Nəticədə bu sürücülər başqalarına ziyan vururlar, lakin dəymiş zərəri sığorta ödədiyi üçün özləri birbaşa maliyyə itkisi yaşamırlar. Belə olan halda nəyə görə sürücülər qanunun onlara verdiyi hüquqlardan istifadə etmirlər və hər kəs öz avtomobilini öz hesabına təmir etdirmək üçün əlavə xərc çəkir?”.
E.Muradlı qəzalar zamanı yalnız maddi yox, fiziki zərərlərə də sığorta ödənişi tətbiq olunduğunu vurğulayıb. O bildirib ki, qarlı hava şəraitində baş verən qəza ölüm ilə nəticələnibsə, sığorta şirkəti zərərçəkən şəxsə kompensasiya ödəyir. Həmçinin, zərərçəkmiş tərəf məhkəməyə müraciət edərək günahkar şəxsin əlavə kompensasiya ödəməsini tələb edə bilər.
Qeyd edək ki, Bakıda qarlı hava şəraiti ilə əlaqədər indiyə qədər 45 qəza baş verib. Yolların buz bağlaması yol-nəqliyyat hadisələrinin baş verməsinə, texniki nasaz avtomobillərin yolda qalması sıxlıqların yaranmasına səbəb olub. (Today.press)
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA












