Qəbələdə avtomobil 94 yaşlı qadını vuraraq öldürüb

Qəbələ rayonunda ölümlə nəticələnən yol-nəqliyyat hadisəsi baş verib.

"Report" xəbər verir ki, hadisə Nic qəsəbəsi ərazisində qeydə alınıb.

1987-ci il təvəllüdlü Meşari Arvid Ararati idarə etdiyi "VAZ 2107" minik markalı avtomobillə piyada, 1929-cu il təvəllüdlü, qəsəbə sakini Leyliyan Arsalus Tumasovnanı vurub.

Piyada aldığı ağır bədən xəsarətlərindən hadisə yerində ölüb.

Faktla bağlı cinayət işi başlanıb.