Rusiyadan İrəvana qarşı ikili siyasət: Putin təbrik edir, Medvedev sərt danışır

Politoloq Elxan Şahinoğlu Rusiya Prezidenti Vladimir Putin və Təhlükəsizlik Şurasının sədr müavini Dmitry Medvedevin Ermənistanın baş naziri Nikol Pashinyana münasibətini şərh edib.

Avtosfer.az xəbər verir ki, Rusiya rəhbərliyi daxilində Paşinyana münasibətdə fərqli tonların müşahidə olunması “yaxşı polis” və “pis polis” yanaşmasını xatırladır. Onun fikrincə, Putin bir tərəfdən siyasi mesajlar verərək İrəvanın seçim etməli olduğunu bildirir, digər tərəfdən isə diplomatik jestlər nümayiş etdirir.

Politoloq qeyd edib ki, Putin Paşinyanı ad günü münasibətilə təbrik edib, eyni zamanda Medvedevin sərt və tənqidi açıqlamaları diqqət çəkib. Bu iki fərqli yanaşma Kremlin Ermənistanla münasibətlərində ziddiyyətli görüntü yaradır.

Elxan Şahinoğlu əlavə edib ki, Rusiya daxilində bəzi media və siyasi şərhçilərin də Paşinyanla bağlı sərt ritorikaya yer verməsi müşahidə olunur. Onun sözlərinə görə, bu, ümumi siyasi xəttin müxtəlif platformalarda fərqli tonlarla ifadə olunması kimi görünür.

Putin Paşinyanı təbrik etməklə həm də Ermənistanın daxili siyasi prosesləri, o cümlədən yaxınlaşan seçkilərlə bağlı mövcud siyasi reallıqları nəzərə alır. O bildirib ki, Moskva İrəvanla münasibətlərdə mövcud siyasi balansı qorumağa çalışır və bu, qarşılıqlı asılılıq kontekstində izah oluna bilər.

Eltac Zülfüqaroğlu