Sakinlər kafelərdən narazıdır: “Söyür, qapılarımızdan tualet kimi istifadə edirlər” - VİDEO

Bakının Xəzər rayonunda sakinlər bir sıra kafelərin fəaliyyətindən narazıdırlar.
Bu barədə Oxu.az-a vətəndaşlar tərəfindən daxil olan şikayətdə qeyd edilib.
Daha dəqiq desək, söhbət Xəzər rayonu, Qala qəsəbəsi, Xaşaxuna yaşayış massivindən gedir. Sakinlər iddia edirlər ki, kafelərdə qeyri-etik davranışlara yol verilir:
“Hər gün axşam saatlarında, xüsusilə gecə həmin ərazidən yüksəkdən danışıq, mübahisə və dava-dalaş səsləri gəlir. Hətta oradan çıxan sərxoş müştərilər magistral yolun ortası ilə gedərək nalayiq sözlər işlədirlər. Sərxoşlar sakinlərin qapılarından tualet kimi istifadə edirlər. Biz etiraz bildirəndə isə söyür, təhqir edirlər. Gecə saatlarında qadınların qışqırıq səslərindən, nalayiq sözlərindən yuxumuz ərşə çəkilib. Əraziyə yaxın yerdə 216 saylı tam orta məktəb də var. Bu vəziyyət o yoldan istifadə edən uşaqlar üçün də yaxşı hal hesab edilmir”.
Məsələ ilə bağlı Daxili İşlər Nazirliyinin Mətbuat Xidmətindən Oxu.Az-ın sorğusuna cavab olaraq bildirilib ki, Bakı şəhəri, Xəzər rayonu, Qala qəsəbəsi, Xaşaxuna yaşayış massivində yerləşən həmin kafedə gecə saatlarında musiqinin yüksək tonla səsləndirilməsi və digər neqativ hallarla bağlı ətrafda yaşayan sakinlərdən daxil olan şikayətlər nəzərə alınıb:
“Aidiyyəti üzrə obyektin yerləşdiyi ünvanda Xəzər Rayon Polis İdarəsinin əməkdaşları tərəfindən profilaktik tədbir keçirilib. Tədbir zamanı kafedə bir sıra qanun pozuntuları və ictimai asayişin pozulması halları aşkar olunub. Bu səbəbdən obyektin sahibi barəsində İnzibati Xətalar Məcəlləsinin müvafiq maddələri ilə inzibati protokollar tərtib edilib və kafenin fəaliyyəti dayandırılıb”.
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO












