Separatçı liderlərin hansı şəraitdə saxlandığı bəlli oldu - Araik Konyak Zavodunda...

Qarabağdakı erməni separatçıların liderlərinin harda və hansı şəraitdə həbs olunması ilə bağlı detallar məlum olub.

Herbiand.az-a erməni mənbələrindən daxil olan məlumata görə, Araik Arutunyan gizləndiyi, Xankəndində yerləşən Konyak zavodunda saxlanılıb.

Mənbənin məlumatına görə, Araik Arutyunyan saxlanmazdan əvvəl Azərbaycan DTX sədrinin müavini ilə əlaqə qurmağa cəhd edib. O əməkdaşlıq təklif edib və bəzi məlumatlar verəcəyini biuldirib. Məhz bundan sonra onu gizləndiyi yerdə həbs ediblər.

Arkadi Qukasyan, Bako Saakyan və David İşxanyan isə separatçı rejimin naziri olmuş Karen Sarkisyan Xankəndidəki evində saxlanılıb. Onlar əvvəlcə Rusiya hərbi kontingentinin Xocalıdakı bazasında gizləniblər. Lakin onlardan bazanı tərk etmək tələb olunub. Məhz bundan sonra onlar Karen Sarkisyanın evində gizləniblər.