"Sülhə nail olmaq üçün bütün səyləri göstərməliyik" - Paşinyan

"Xarici təhlükəsizlik sahəsində problemlərimiz hamınıza məlumdur və burada bizim qarşımızda ciddi problemlər var. Eyni zamanda, əminəm ki, hökumətin qəbul etdiyi sülh gündəliyinin alternativi yoxdur, çünki sülh bizim suverenliyimiz və təhlükəsizliyimiz üçün ən etibarlı amildir".

Avtosfer.az xəbər verir ki, bunu Ermənistanın baş naziri Nikol Paşinyan Konstitusiya Günü münasibətilə yaydığı təbrik mesajında deyib.

"Sülhə nail olmaq üçün bütün qanuni səyləri göstərməliyik. Qarabağda yaşayan etnik ermənilərin hüquq və təhlükəsizliyini təmin etmək üçün müvafiq mexanizmlərin yaradılması və 29,8 min kvadrat kilometr ərazisi olan Ermənistan Respublikasının ərazi bütövlüyünün tanınması əsas əhəmiyyət kəsb edir", deyə o, qeyd edib. 

Bizim.Media