Sürət qatarının gecikməsinin səbəbi AÇIQLANDI - YENİLƏNİB - VİDEO

Bu gün Sumqayıtdan saat 08:10-da çıxan 6010 saylı Sumqayıt-Xırdalan-Bakı elektrik qatarının havalandırma sistemində texniki problem yaranıb.

Bu barədə Avtosfer.az-ın sorğusuna cavab olaraq “Azərbaycan Dəmir Yolları” QSC-dən məlumat verilib.

Bildirilib ki, bu səbəbdən qatarda kondisioner işləməyib:

“Hazırda nasazlığın aradan qaldırılması istiqamətində işlər görülür”.

Qeyd edək ki, sərnişin sıxlığı səbəbindən stansiyalarda minib-düşmə zamanı yubanmalar olduğundan qatar Bakı Dəmiryol Vağzalına beş dəqiqə gecikmə ilə çatıb.

09:50

Azərbaycan Dəmir Yollarında reyslər gecikib.

Avtosfer.az xəbər verir ki, səhər saat 08:37-də Biləcəri stansiyasından çıxmalı olan Sumqayıt-Xırdalan-Bakı qatarı gecikib.

Bununla yanaşı, qatarlarda sıxlıq olmasına baxmayaraq, havalandırma sistemi işləmir. Bu da sərnişinlərin narazılığına səbəb olub. Havalandırmanın işləməməsi səbəbindən bəzi sərnişinlərin səhhətində problem yaranıb.

Həmin görüntüləri təqdim edirik: