Sürücülərə çətinlik yaradan yol nişanı - VİDEO

Bakının Səbail rayonu ərazisində, Lermontov küçəsi ilə Teymur Elçin küçəsinin kəsişməsində yerləşən yol nişanı sürücülərə çətinlik yaradır.

Ərazidə sağa hərəkət qadağan olduğu üçün sürücülər gedəcəkləri yerə çatmaq səbəbindən daha uzun məsafə qət etməli olurlar.

Dağüstü park istiqamətindən gələn sürücülərin hamısı bir  istqamətə-Teymur Elçin küçəsinə yönəldilir. Üstəlik, qarşıdan və sağdan gələn sürücülərə yol verilməlidir. Bu isə ərazidə əsasən günün pik saatlarında sıxlığın yaranmasına səbəb olur.

Sürücülər deyirlər ki, yolda məcburi sola dönmə nişanı olduğundan, sağa dönə bilmirlər. Bu isə onlar üçün həm əlavə vaxt həm də yanacaq itkisinə səbəb olur.

Məsələ ilə əlaqədar Baş Dövlət Yol Polisi İdarəsindən bildirildi ki, ərazidə sıxlığın tənzimlənməsi məqsədi ilə sağa hərəkət qadağandır.

Ekspertlər hesab edir ki, ərazidə təhlillər aparılmalı, nəqliyyat axını hesablanmalı və qarşıdan gələn nəqliyyat vasitələrini gözləməklə sağa da hərəkət təşkil oluna bilər.

Ətraflı videomaterialda.