Türkiyədən 26 Azərbaycan vətəndaşı təxliyə olunur

Türkiyədə qalan 26 Azərbaycan vətəndaşı Gürcüstan vasitəsilə Vətənə təxliyə olunur. Bu barədə Azərbaycanın bu ölkədəki səfirliyindən bildirilib.

Hazırda vətəndaşlar Gürcüstan ərazisinə "Sarpi" sərhəd-keçid məntəqəsindən daxil olurlar. Onlar koronavirusla bağlı Türkiyədə testdən keçiblər və arayış əldə ediblər. Həmin şəxslərin səfirliyin dəstəyi ilə bu gün ərzində "Qırmızı körpü" sərhəd-keçid məntəqəsi vasitəsilə Azərbayacana keçməsi təmin olunacaq. (“Report”)