ÜST: Bir gündə 230 mindən çox yeni yoluxma aşkarlandı

Dünyada koronavirusa yoluxanların sayı 12,5 milyonu ötüb. Bu barədə Ümumdünya Səhiyyə Təşkilatı (ÜST) məlumat yayıb.

Məlumata görə, son sutkada COVID-19-a 230 370 yoluxma qeydə alınıb, 5 285 pasiyent dünyasını dəyişib.

Beləliklə, dünyada təhlükəli virusa yoluxanların ümumi sayı 12 552 765 nəfər təşkil edir. Pandemiya ərzində ümumilikdə 561 617 nəfər COVID-19-dan ölüb.

Virusa ən çox yoluxma Şimali və Cənubi Amerikada qeydə alınıb. Qitə ölkələrində 6 540 222 nəfərdə koronavirus aşkarlanıb, 283 357 pasiyentin müalicəsi müsbət nəticələnməyib. (“Report”)