Velosipedlə həyatlarını riskə atan uşaqlar - FOTO

Əslində mən uşaqların bu cür fotolarını verməyin tərəfdarı olmasam da, prinsipimi pozmağa məcburam. Səbəbi bir azdan. 

Bu günlərdə şəhərdə sıx tıxac olan vaxt bu 3 uşaq Həsən Seyidbəyli və Mehdi Hüseny küçələrinin kəsilməsində (Axundov bağıından Şəhidlər xiyabanına tərəf) velosiped sürürdü. Onların təhlükəsizlik adacığında dayanması belə, təhlükəsiz şəraitdə olduqlarına dəlalət etmirdi. 
Başqa bir uşaq isə (onun fotosunu çəkə bilmədim) mən avtomobillə svetoforda gözləyərkən velosipoedlə güzgüyə elə vurdu ki, güzgü yerindən qopdu. Uşaq isə heç nə olmamış kimi  yoluna davam etdi. Əlbəttə ki, mən də uşağı təqib etmədən yoluma davam etdim. 

İndi qayıdaq niyə uşaqların şəklini açıq verməyimə: Ola bilər ki, valideynlərin bu 3 uşaq barədə xəbərləri yoxdur. Elə bilirlər ki, uşaq haradasa həyətdə oynayır. Heç bir valideyn uşağının belə təhlükəli şəraitdə oynamağına razı olmaz. Lakin bütün qəzaların kökündə ani diqqətsizlik, arxayınlıq dayanır. 

Avtosfer.az olaraq bu uşaqların valideynlərini dinləməyə hazırıq. Məqsədimiz yol hərəkəti iştirakçısı kimi uşaqların təhlükəsizliyinin təmin olunmasıdır.