“Xankəndidə İlham Əliyevin adını daşıyan məscid tikilsin”

“Xankəndidə İlham Əliyevin adını daşıyan məscid inşa olunsun”.

Avtosfer.az xəbər verir ki, bunu Milli Məclisin deputatı Qüdrət Həsənquliyev İlham Əliyevin Prezident seçilməsinin 20-ci ildönümünə həsr olunmuş xüsusi iclasda bildirib.

“Prezident İlham Əliyevin adını əbədiləşdirmək üçün qanun qəbul edə bilərik. Qanunda Xankəndidə onun adını daşıyan möhtəşəm məscidin, Qarabağda isə onun adını daşıyan yeni şəhərin salınması nəzərdə tutula bilər”, - deyə millət vəkili qeyd edib.

***

Deputat Razi Nurullayev əlavə edib ki, Prezident İlham Əliyevin etdiklərini dünyanın heç bir hərbi, diplomatik məktəblərində öyrənmək mümkün deyil:

“Allah şahiddir ki bunu bütün səmimiyyətimlə deyirəm. Təklif edirəm ki, prezidentimizin diplomatiyasını öyrədən ayrıca fakültə yaradılsın. Düzdür bu günə qədər yazılır, deyilir amma təəssüf ki, əksəriyyəti bir-birinin təkrarıdır. Tam öyrədə, çatdıra bilmir”.

Qafqazinfo