15 yaşlı futbolçu dava zamanı dünyasını dəyişib

Paraqvayın "Nasyonal" klubunun 15 yaşlı futbolçusu İsmael Dominqes dava zamanı aldığı zərbələrdən sonra dünyasını dəyişib.

Avtosfer.az "Report"a istinadən xəbər verir ki, bu barədə "La Nacion" məlumat yayıb.

Hadisə Paraqvayın aşağı dəstə çempionatında "Nasyonal" və "Bokeron" komandaları arasında keçirilən matçda baş verib. Oyun zamanı meydanda əlbəyaxa dava düşüb.

Yeniyetmə futbolçu başından bir neçə zərbə alıb. O, xəstəxanaya çatdırılsa da, həyatını xilas etmək mümkün olmayıb.