6 yaşlı qız anasının qucağında oturub avtomobil sürdü – Polis uşağı …

Rusiyanın paytaxtında məhkəmə icraçıları avtomobil idarə edən altı yaşlı qızı xilas ediblər.

Avtosfer.az yerli KİV-ə istinadən xəbər verir ki, icraçılar yol boyu kəskin manevr edən və vaxtaşırı bordürə dəyən “Ford Fiesta” markalı avtomobil görüblər.

Məlum olub ki, maşını qadının qucağında oturan uşaq idarə edib. Eyni zamanda qadın özü də kresloda arxaya söykənib və baş verənlərə heç bir reaksiya verməyib.

FMİX-nin (Federal Məhkəmə İcraçıları Xidməti) Moskva üzrə baş idarəsinin mətbuat xidmətindən verilən məlumata görə, məhkəmə icraçıları nəqliyyatın hərəkətinin çox olduğu sıx kəsişməyə daxil olmamışdan əvvəl maşını saxlamağa nail olublar.

Hadisə yerinə gələn polis və qəyyumluq əməkdaşları uşağı apararaq, qızı atasına təhvil veriblər. Qeyd edilir ki, məhkəmə əvvəllər uşağı böyütməli olan ata olduğuna qərar verib, lakin ana qızının yerini ondan gizlədib.

Namiq Musayev