88 milyonluq oğurluqdan sonra belə qaçıbmışlar... - VİDEO

Luvr muzeyindəki oğurluq hadisəsinin yeni görüntüləri yayılıb. Avtosfer.az “Qafqazinfo”ya istinadən xəbər verir ki, sosial mediada yayılan görüntüdə bir şəxsin muzeydəki əsərlərin və zinət əşyalarının yerləşdiyi şüşəli bölməyə yaxınlaşdığı əks olunub. Təhlükəsizlik kameralarının çəkdiyi digər görüntüdə isə üzləri qapalı olan iki nəfərin yük liftindən sürətlə enərək motosikletlə tez bir şəkildə hadisə yerindən uzaqlaşdıqları görünür. Xatırladaq ki, oktyabrın 19-u Fransada naməlum şəxslər Luvr muzeyinə daxil olaraq cəmi yeddi dəqiqə ərzində imperator Napoleonun kolleksiyasına daxil olan 9 əşyanı oğurlayıblar. Həmin əşyaların ümumi dəyəri 88 milyon avro qiymətləndirilir. Paris prokurorluğu istintaqın davam etdiyini, oğurlanmış əşyaların isə hələ tapılmadığını açıqlayıb.

Sözügedən görüntüləri təqdim edirik: