Alkoqoldan ölənlərin sayı iki dəfə artıb

1999-cu ildən 2020-ci ilə qədər ABŞ-də alkoqoldan ölüm halları iki dəfə artıb.

Avtosfer.az "Unikal"a istinadən xəbər verir ki, "American Journal of Medicine" jurnalında dərc edilən klinik araşdırmanın nəticələri göstərir ki, son iyirmi ildə ABŞ-də alkoqoldan ölüm halları kəskin artıb. Eyni zamanda, ölüm səviyyəsi 1999-cu ildəki 100 min nəfərə 10,7-dən 2020-ci ildə 21,6-ya qədər iki dəfə artıb.

Alkoqoldan ölənlərin ümumi sayı 19 356-dan 48 870-ə qədər artıb, artım bütün yaş qruplarında müşahidə olunub, ən çox narahatlıq doğuran artım isə 25-34 yaş arası insanlar arasında olub.