Arvadını öldürüb video çəkən Səbuhinin meyiti tapıldı - FOTOLAR - VİDEO

Səbuhi Hacızadə bu gün Tovuzda həyat yoldaşı Mətanət Hacızadəni qətlə yetirdiyi haqda paylaşım edib daha sonra yoxa çıxmışdı.

Avtosfer.az-ın “Qafqazinfo”ya istinadən məlumatına görə, 32 yaşlı Səbuhi Hacızadənin meyiti rayonun Əyyublu kəndi ərazisindəki ağacdan asılı halda tapılıb.

Xatırladaq ki, hadisədən sonra S.Hacızadə paylaşdığı videoda arvadını öldürdüyünü etiraf edib və öz həyatına da son qoyacağını demişdi.

***

Bu gün Tovuzda 29 yaşlı Mətanət Hacızadənin qətlə yetirilməsindən sonra cinayətdə şübhəli bilinən əri Səbuhinin videosu yayılıb.

32 yşlı Səbuhi Hacızadə videoda hadisəni törətdiyini və öz canına da qəsd edəcəyini deyib.

O, əlindəki bıçaqda olan qanı göstərərək cinayəti qısqanclıq zəminində törətdiyini, həbsdən qorxmadığını, lakin yaşamaq istəmədiyini də vurğulayıb.

Qeyd edək ki, hadisədən sonra Səbuhidən xəbər almaq və yerini müəyyənləşdirmək hələlik mümkün olmayıb.

Videoda şiddət əlamətləri və arzuolunmaz təşviq olduğundan görüntüləri tam şəkildə təqdim etmirik.

***

Tovuz rayonunda qətl hadisəsi törədilib. Əyyublu kəndində 1996-cı il təvəllüdlü Mətanət Hacızadə bıçaqlanaraq öldürülüb. Hadisənin qadının həyat yoldaşı 1993-cü il təvəllüdlü Səbuhi Hacızadə tərəfindən törədildiyi bildirilir. Onun saxlanması istiqamətində polis tərəfindən tədbirlər görülür. İlkin məlumata görə, hadisə qısqanclıq zəminində baş verib. Faktla bağlı Tovuz Rayon Prokurorluğunda araşdırma başlanılıb.