Ata avtomobili ilə iki yaşlı oğlunun üzərindən keçdi - YENİLƏNİB

Saatlıda avtomobil iki yaşlı uşağı vurub.

Bu barədə Avtosfer.az-a Daxili İşlər Nazirliyindən (DİN) Mətbuat Xidmətinin Şirvan regional qrupundan məlumat verilib.

Bildirilib ki, hadisə dünən günorta saatlarında baş verib. Rayonun Orta Muğan kənd sakini E.Əskərov VAZ-21061 markalı avtomobili geriyə doğru hərəkət etdirən zaman azyaşlı övladını vurub. Azyaşlı aldığı xəsarətlərdən ölüb.

Faktla bağlı cinayət işi başlanıb, araşdırmalar aparılır.

***

09:35

Saatlıda avtomobil iki yaşlı uşağı vurub.

Avtosfer.az xəbər verir ki, Elşən Əskərov VAZ-2106 markalı avtomobili arxa-arxa idarə edərkən 2022-ci il təvəllüdlü oğlu Sənan Əskərovun üzərindən keçib.

Azyaşlı aldığı xəsarətdən hadisə yerində ölüb.

Faktla bağlı cinayət işi başlanılıb.

(report)