Avtobus sürücüsü sərnişinlərə bıçaq çəkdi; Barəsində ciddi tədbirlər görüləcək – VİDEO

Tehranda avtobus sürücüsünün sərnişinlərlə mübahisə zamanı bıçaq çıxarması sosial şəbəkələrdə böyük rezonans yaradıb. Avtosfer.az “Azad İran”a istinadən xəbər verir ki, hadisənin özəl şirkətə məxsus avtobusda baş verdiyi açıqlanıb.

Şirkət və Tehran Avtobus İdarəsinin məsul şəxsləri sürücünün saxlanıldığını və məsələ ilə bağlı araşdırma aparıldığını deyib.

Bildirilib ki, münaqişə sərnişinin ön qapıdan düşmək istəməsinə sürücünün mane olması ilə başlayıb.

Rəsmi qurumlar belə halların nadir olduğunu və qaydanı pozan sürücü barəsində ciddi tədbirlər görüləcəyini deyib.