Badamdarda su borusu partladı, küçələri su basdı - VİDEO

Paytaxtın Badamdar qəsəbəsi ərazisində su borusu partlayıb, yolu su basıb.

Avtosfer.az “Qafqazinfo”ya istinadən xəbər verir ki, hadisə “Məktəbli” küçəsi ərazisində baş verib.

Məlumata görə, hazırda qəsəbənin Nürəddin Paşayev və Seyran Məmmədov küçələri də su altında qalıb.

Nəticədə nəqliyyatın və piyadaların hərəkəti çətinləşib.

***

İri Şəhərlərin Birləşmiş Su Təchizatı Xidmətinin mətbuat katibi Ceyhun Musaoğlu hadisə ilə bağlı saytımıza bildirib ki, hazırda qəzanın aradan qaldırılması üçün işlər aparılır:

“Qəza briqadası ərazidədir. Qazıntı işləri aparılır. Vəziyyət müəyyənləşdiriləcək, qəza aradan qaldırılacaq”.