Bakı yenə su altında: FHN xilasediciləri vətəndaşlara kömək üçün hərəkətə keçdi - VİDEO

Paytaxta normadan artıq yağan yağışlar şəhərdə yenidən gölməçələr yaradıb.

Avtosfer.az xəbər verir ki, Bakının Sabunçu rayonunda ötən gündən davam edən yağışlar bəzi ərazilərin su altında qalması ilə nəticələnib.

Sosial şəbəkələrdə ərazidən canlı yayıma çıxan qəsəbə sakinləri bildirir ki, əvvəlki yağıntılar ərazidəki drenaj sistemlərini  sıradan çıxardığı üçün ötən gündən başlayan yağış ərazidə gölməçə yaradıb və küçələri keçilməz edib. Görüntülərdən də aydın olduğu kimi, ərazidəki supermarketin qarşısını su basdığı üçün vətəndaşlara kömək etmək məqsədilə Fövqəladə Hallar Nazirliyinin xilasetmə texnikası və əməkdaşları cəlb edilib.

Belə ki, Əsildar Məmmədov və Vladimr Mayakovski küçələrinin kəsişməsində, Sabunçu Dəmir Yolu Vağzalı önü bütövlükdə su altında qalıb.

Məsələ ilə bağlı ünvanladığımız sorğuya Azərbaycan Dövlət Su Ehtiyatları Agentliyindən bildirildi ki, hazırda ərazinin su yığıntılarından təmizlənməsi işləri aparılır.

Fövqəladə Hallar Nazirliyi mövzu ilə əlaqədar media ya məlumat verərək bildirib ki,  Bakı şəhərində yağan leysan yağışlarla əlaqədar bəzi ünvanlarda subasmanın baş verməsi barədə “112” qaynar telefon xəttinə məlumatlar daxil olub və dərhal Nazirliyin qüvvələri ərazilərə cəlb olunub. Hazırda Nazirliyin qüvvələri tərəfindən su basmış yerlərdən suyun çəkilərək kənarlaşdırılması və digər müvafiq təhlükəsizlik tədbirləri həyata keçirilir.

Qeyd edək ki, ötən həftə paytaxta normadan artıq yağıntıların düşməsi səbəbilə sözügedən ərazi yenə su altında qalmışdı.

Sosial şəbəkədə paylaşılan həmin canlı yayımı sizə təqdim edirik:

Səfər