Bakıda avtobusda qadın qarət olundu

Bakıda marşrut avtobusunda oğurluq edilib.

Daxili İşlər Nazirliyindən Avtosfer.az-a verilən xəbərə görə, Yasamal rayon Polis İdarəsinin 29-cu Polis Şöbəsi əməkdaşlarının keçirdikləri tədbirlərlə rayon ərazisində ictimai nəqliyyatda bir qadının çantasından mobil telefonunu oğurlamaqda şübhəli bilinən S.Səlimov saxlanılıb.

Həmçinin Salyan rayon Polis Şöbəsi əməkdaşlarının keçirdikləri tədbirlərlə isə rayon ərazisində yerləşən restoranda bir nəfərin mobil telefonunu oğurlamaqda şübhəli bilinən, əvvəllər məhkum olunmuş X.Bədəlov ələ keçirilib.

Hər iki faktla bağlı araşdırma aparılır.