Bakıda avtomobildən təkər, Sumqayıtda yaddaş kartı oğurlayanlar tutuldu

Mayın 27-nə keçən gecə Xətai rayonu ərazisində “Hyundai” markalı avtomobilin təkərlərinin oğurlanması barədə Xətai RPİ-nin 35-ci Polis Bölməsinə məlumat daxil olub.

Avtosfer.az xəbər verir ki, polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən İsmayıl Babazadə, Sərxan Yusifli və Nihad Məmmədov qısa müddətdə müəyyən olunaraq saxlanılıblar.

Araşdırma aparılır.

Mayın 28-nə keçən gecə Xırdalan şəhəri ərazisində “BMW” markalı avtomobildən 4 ədəd yaddaş kartının oğurlanması barədə polisə məlumat daxil olub.

Abşeron Rayon Polis İdarəsi əməkdaşlarının keçirdikləri tədbirlərlə oğurluq əməlində şübhəli bilinən Sahib Ağaquliyev saxlanılıb.

Onun həmin gecə Xırdalan şəhəri ərazisində “Hyundai”, “Chevrolet”, “Volkswagen”, “Kia” markalı 4 avtomobilin şüşələrini və bir ofisin giriş qapısını sındırması müəyyən olunub.

Araşdırma aparılır.

Sumqayıtda oğurluq etməkdə şübhəli bilinən iki nəfər saxlanılıb

Sumqayıt ŞPİ 1-ci Polis Bölməsi əməkdaşlarının keçirdikləri tədbirlərlə 11-ci mikrorayon ərazisində yerləşən kafelərin birindən 2 ədəd noutbuk oğurlamaqda şübhəli bilinən, əvvəllər də eyni əmələ görə məhkum olunmuş Azər Firuqi saxlanılıb. 

4-cü Polis Bölməsi əməkdaşlarının keçirdikləri tədbirlərlə isə 1-ci mikrorayon ərazisində köşklərin birindən 1000 manat dəyərində tütün məmulatı və içki oğurlamaqda şübhəli bilinən, əvvəllər də eyni əmələ görə məhkum olunmuş Vaqif Piriyev saxlanılıb. 

Hər iki faktla bağlı araşdırma aparılır.