Bakıda həbs edilən İran casusu kimdir?

"Son vaxtlar İranın nəfinə casusluq etmiş adamların sayı misilsiz dərəcədə artıb. Bu casuslar arasında müxtəlif mənşəli insanlar var: israilli ərəblər, keçmiş Sovet İttifaqından olan yəhudi mühacirlər və hətta dini ekstremist yəhudilər. Bəziləri pul vədinə aldanıb, digərlərinin İsrail hökumətinə qəzəbi olub, yaxud fələstinlilərə rəğbət bəsləyib".

Avtosfer.az "Yenisabah"a istinadən xəbər verir ki, bunu "Ekonomist" nəşri yazıb.

Britaniya nəşrinin geniş təhlilində daha qeyd olunur: "İran uzun müddətdir ki, kəşfiyyat əməliyyatlarını üçüncü dövlətlər, xüsusilə, Türkiyə və Azərbaycan vasitəsilə həyata keçirir. Onların təhlükəsizlik xidmətləri çox vaxt ya bun məhəl qoymur, ya da özləri bu işə qarışırlar.

Bir halda, İran üçün kəşfiyyat məlumatı toplayan İsrail-Rusiya əsilli qadın Azərbaycanda həbs edilib. Onun dindirilməsi zamanı məlum olub ki, qadın saxta "Telegram" hesabı vasitəsilə işə götürülüb və Əmirlikdəki iş adamı üçün işlədiyi güman edilir.

İranın kəşfiyyat xidmətləri maliyyə şantajı, ailə təhdidləri və emosional aldatma kimi üsullardan istifadə edir. "Shin Bet" (İsrail kəşfiyyatı - red.)  agentlərindən biri deyir: "Onlar psixoloji və şəxsiyyət zəifliklərindən istifadə etməkdə ustadırlar".