Bakıda işıq dirəyindən tüstü çıxır - VİDEO

Bu gün paytaxtın Tbilisi prospektindəki "IST Petrol" yanacaqdoldurma məntəqəsinin qarşısındakı adacıqda yerləşən işıq dirəyindən naməlum səbəbdən tüstü çıxıb.

Avtosfer.az xəbər verir ki, hadisə ərazidən keçən sürücülərin və piyadaların marağına, eləcə də narahatlığına səbəb olub.

İlkin ehtimallara görə, tüstünün yaranmasına işıq dirəyində baş vermiş qısa qapanma səbəb olub. Lakin başqa bir ehtimal da var. Tüstünün yaxınlıqda yerləşən istilikxanadan çıxan buxar və ya qaz pərdəsi ola biləcəyi istisna edilmir.

Hazırda hadisə yerinə aidiyyəti qurumların əməkdaşlarının cəlb olunduğu, təhlükəsizlik məqsədilə ərazidə nəzarətin gücləndirildiyi bildirilir.

Eltac Zülfüqaroğlu