Bakıda itkin düşən 16 yaşlı oğlan TAPILDI - YENİLƏNİB

Bakıda itkin düşən 16 yaşlı yeniyetmə tapılıb.

Avtosfer.az xəbər verir ki, DİN-in Mətbuat Xidmətindən Oxu.Az-a verilən məlumata görə, paytaxtın Yasamal rayonunda 16 yaşlı yeniyetmənin ailə üzvlərini məlumatlandırmadan yaşadığı ünvanı tərk etməsi və geri dönməməsi barədə polisə məlumat daxil olub.

Həmin şəxs barəsində polis əməkdaşları tərəfindən axtarış elan edilib. 16 yaşlı yeniyetmənin yeri müəyyən olunub və ailəsinə təhvil verilib.

***09:18

Bakıda yeniyetmə itkin düşüb.

Avtosfer.az xəbər verir ki, noyabrın 3-də Yasamal rayonu, M.Seyidov küçəsində yaşayan 2009-cu il təvəllüdlü Səid Kamaləddin oğlu Hacızadə yaşadığı evdən çıxaraq naməlum istiqamətə gedib.

Onun yaxınları fotosunu və xarakterik əlamətlərini polisə təqdim ediblər.

Faktla bağlı Yasamal RPİ-nin Təhqiqat şöbəsində araşdırma aparılır.