Bakıda qadın qətlə yetirilib - Şübhəli həyat yoldaşıdır

Bakıda qətl hadisəsi baş verib. Avtosfer.az xəbər verir ki, 1986-cı il təvəllüdlü Günel Abbasova qətlə yetirilib.

Hadisəni törətməkdə Biləsuvar rayonunun Nəsimikənd kənd sakini, 1989-cu il təvəllüdlü Qasımov Firuz Akif oğlu şübhəli bilinir.

Məlumata görə, ailə son 10 il ərzində Bakı şəhərində kirayədə yaşayıb. Firuz Qasımovun anasının il mərasimində iştirak etdikdən sonra rayondan Bakıya qayıdarkən cinayəti törətdiyi bildirilir.

Cütlüyün 14 və 15 yaşlarında iki oğlan övladı var.

Cinayəti törətməkdə şübhəli bilinən Firuz Qasımov polis əməkdaşları tərəfindən saxlanılaraq istintaqa təhvil verilib.

Faktla bağlı araşdırma aparılır.