Bakıda “Range Rover” sürücüsü piyadanı keçiddə vurub öldürdü - RƏSMİ- VİDEO

Paytaxtın Sabunçu rayonu ərazisində piyadavurma hadisəsi baş verib.
Avtosfer.az-ın məlumatına görə, qəza mayın 30-da axşam saatlarında qeydə alınıb. Belə ki, “Range Rover” markalı avtomobilin sürücüsü yolu keçən orta yaşlı kişini vurub. Piyada zərbənin təsirindən hadisə yerində keçinib. 
Qeyd edək ki, hadisə şahidləri piyadanın nizamlanmamış keçiddən keçərkən vurulduğunu iddia ediblər.
Bakı şəhər Dövlət Yol Polisi İdarəsinin polis baş leytnantı Rüstəm Əhmədli faktı təsdiqləyib. O bildirib ki, hadisəylə bağlı araşdırma aparılır. 

Nərmin