Batan gəminin ekipaj üzvlərinin axtarışları davam edir

Ötən il noyabrın 19-da Qara dənizdə batan “Kafkametler” gəmisinin ekipaj üzvlərindən itkin düşən yeddi nəfərin axtarışları davam edir.

Avtosfer.az “Azərtac”a istinadən xəbər verir ki, bu barədə Türkiyənin Zonquldak Valiliyi açıqlama yayıb.

Bildirilib ki, Türkiyə bayrağı altında üzən gəmidəki 12 nəfərlik heyət üzvlərindən sadəcə beşinin cəsədi tapılıb. Ətraflı araşdırmalara baxmayaraq, digər gəmiçilərlə bağlı hansısa məlumat əldə etmək mümkün olmayıb. Heyət üzvlərinin axtarışları aidiyyəti qurumlar tərəfindən davam etdirilir.

Xatırladaq ki, Rusiyadan İzmir vilayətinin Əliağa Limanına yük daşıyan gəmi noyabrın 19-da Qara dənizdə baş verən fırtına səbəbindən Ereğli limanına sığınıb. Burada lövbər sala bilmədiyindən yenidən hərəkət edib və qısa müddətdən sonra gəmi ilə əlaqə kəsilib.