Beyləqanda ot bağlaması daşıyan "KamAz"ın qoşqusu yandı - FOTO

Beyləqan rayonunda ot yükü ilə dolu olan "KamAz" markalı yük maşınının qoşqusu yüksəkgərginlikli ekektrik naqilinə toxunub və yanğın baş verib. Sürücü təhlükənin qarşısını almaq məqsədi ilə qoşqunu su kanalına aşırıb.

Avtosfer.az xəbər verir ki, hadisə bu gün saat 11 radələrində Beyləqanın Dünyamalılar kəndi ərazisində qeydə alınıb. "KamAz" hərəkətdə olarkən qoşqusundakı ot bağlamaları yüksəkgərginlikli elektrik naqilinə toxunub və yanğın baş verib. Yanan ot bağlamalarının bir hissəsi kənddaxili yola dağılıb. “KamAz”ın sürücüsü qoşqunu su kanalına aşırıb.

Hadisə yerinə Beyləqan rayon Yanğından Mühafizə Xidmətinin texnika və canll qüvvəsi cəlb edilib. Alov söndürülüb ətraf ərazilərə keçməsinin qarşısı alınıb. Hadisə nəticəsində 300-dən çox ot bağlaması yanıb və kəndin elektrik verilişində fasilə yaranıb.

Faktla bağlı araşdırma aparılır.

(AZƏRTAC)