Bir neçə gün əvvəl qəzada yaralanan şəxs ölüb

Bir neçə gün öncə Lənkəranda yol qəzasında xəsarət alan şəxs ölüb. Avtosfer.az xəbər verir ki, qəzada xəsarət alan Salyan rayonunun Dayıkənd kənd sakini, 1962-ci il təvəllüdlü Əzizov Səfər Əvəz oğlu xəstəxanada dünyasını dəyişib. 

Qeyd edək ki, qəza hadisəsi noyabrın 16-sı Ələt-Astara magistralının 164-cü km-də Lənkəran rayonunun Girdəni kəndi ərazisində qeydə alınıb. "VAZ-2107" markalı nəqliyyat vasitəsi ilə Astara rayon Siyəkü kənd sakini, 1976-ci il təvəllüdlü Habil Gülağa oğlu Zahirovun idarə etdiyi "DAF" markalı ağır tonajlı yük avtomobili ilə toqquşmuşdu. Qəza nəticəsində 2 nəfər xəsarət almışdı.