Bu küçədə park edilmiş maşınlar yolu daraldır, sürücülər əks yola çıxmalı olur - VİDEO

Paytaxtın Yasamal rayonu Mirəli Seyidov küçəsində park edilmiş maşınlar hərəkəti çətinləşdirir. 

Avtosfer.az-ın məlumatına görə, bununla bağlı sakinlərdən biri “Facebook” sosial şəbəkəsində video paylaşıb. Belə ki, sürücülər avtomobilləri səkidə saxlayaraq həm piyadaların yolunu kəsir, həm də ərazidən keçən maşınlara çətinlik yaradırlar. Nəticədə yol daraldığı üçün zolaqla hərəkət edə bilməyən sürücülər qarşı tərəfə keçməli olurlar. Bu isə qəza təhlükəsinə gətirib çıxarır. Şikayətçi sözügedən küçədə demək olar ki, hər gün eyni vəziyyətin hökm sürdüyü qeyd edib. Eyni zamanda o, ərazidəki ağacların kəsilərək yerində bir müddət əvvəl obyektlərin tikildiyini bildirib.

Nərmin