Bu yolda piyadalar qəfil peyda olub ikiqat təhlükə yaradırlar - VİDEO

Paytaxtın hava limanı yolunda qayda pozan piyada anbaan kameraya düşüb.

Avtosfer.az-ın məlumatına görə, hadisə oktaybrın 5-də saat 11:09 radələrində qeydə alınıb. Görüntüdən aydın olduğu kimi, avtomobillərin intensiv hərəkətdə olduğu yoldan keçən orta yaşlı kişi həm öz həyatını, həm də sürücüləri təhlükəyə atıb. Hətta o, dəmir arakəsmələrin arasından keçərək öz yolunu daha da çətinləşdirib. Xoşbəxtlikdən sürücülər piyadanı vaxtında görərək baş verə biləcək qəzanın qarşısını alıblar.

Təəssüf ki, sözügedən ərazidə piyadalar tez-tez qayda pozurlar. Demək olar ki, hər gün piyadavurma halları baş verir. Lakin bu göstərici bir qisim piyadaların özlərini və sürücüləri riskə atmalarına əngəl olmur.

Nərmin