Cərimə meydançasında yanğın: azı 9 avtomobil yanıb – VİDEO

Rusiyanın Moskva əyalətində cərimə meydançasında baş verən yanğın nəticəsində azı 9 avtomobil yanıb. Avtosfer.az yerli KİV-ə istinadən xəbər verir ki, hadisə mayın 27-də Mıtişi şəhərində qeydə alınıb.

Məlumata görə, alov 150 kvadratmetr sahəni əhatə edib, 5 maşın bütövlüklə yanıb, 4-nə isə ciddi ziyan dəyib. Hazırda yanğın söndürülüb.

Bildirilir ki, hadisə zamanı xəsarət alan olmayıb.

Dəymiş ziyanın məbləği dəqiqləşdirilir və yanğının baş vermə səbəbləri araşdırılır.

Namiq Musayev