Ər 21 yaşlı həyat yoldaşını öldürdü - Kürdəmirdə - YENİLƏNİB - VİDEO

Kürdəmir rayonunda əri tərəfində qətlə yetirildiyi bildirilən 21 yaşlı Lamiyə İsmayıl qızı Bəşirova ilə bağlı təfərrüat məlum olub.

Lamiyənin anası Baku TV-yə bildirib ki, qızının qətlə yetirilməsinə səbəb onun işləmək istəyi olub.

"Aralarında söz-söhbətlər olurdu. Qız işləmək istəyirdi. Yoldaşı isə deyirdi ki, işləyə bilməzsən, başına oyun açacağam. Görüb ki, Lamiyə marketdə işləyir, işə gedərkən gəlib bıçaqla hücum edib. Qonşu gəlib dedi ki, qız yolda qanın içində qalıb", - mərhumun anası bildirib.

Hadisəni törətməkdə şübhəli bilinən Natiq Bəşirov rayon polis şöbəsinin əməkdaşları tərəfindən saxlanılıb. Cütlük 2024-cü ildə ailə qurub və onların bir yaş yarımlıq övladı var. Faktla bağlı Kürdəmir Rayon Prokurorluğunda araşdırma aparılır.

***10:14
Kürdəmirdə ər arvadını qətlə yetirib. Avtosfer.az "Bizim.Media"ya istinadən xəbər verir ki, hadisə rayonun Koroğlu küçəsində qeydə alınıb. Belə ki, aralarında yaranmış ailə münaqişəsi zəminində Natiq Araz oğlu Bəşirov həyat yoldaşı, 21 yaşlı Lamiyə İsmayıl qızı Bəşirovanı qətlə yetirib. Hadisə yerinə rayonun hüquq-mühafizə orqanlarının əməkdaşları cəlb olunub. Qadının meyiti müayinə olunmaq üçün aidiyyəti üzrə təhvil verilib. Hadisəni törətməkdə şübhəli bilinən Natiq Bəşirov rayon polis şöbəsinin əməkdaşları tərəfindən saxlanılıb. Hazırda faktla bağlı Kürdəmir Rayon Prokurorluğunda araşdırma aparılır.