Gəncədə daha bir piyada yolda CAN VERDİ - FOTO

Gəncədə maşınla vurulan piyada ölüb.

Avtosfer.az qafqazinfo-ya istinadən xəbər verir ki, hadisə şəhərin Nizami prospektində qeydə alınıb.

“Hyundai” markalı minik avtomobili yolu keçmək istəyən 1954-cü il təvəllüdlü Elmira Səfərovanı vurub.

Qadın ağır vəziyyətdə Abbas Səhhət adına Gəncə Birləşmiş Xəstəxanasına çatdırılıb. Həkimlərin səyinə baxmayaraq, onun həyatını xilas etmək mümkün olmayıb.

Faktla bağlı araşdırma aparılır.