Gəncədə oğurluq edən şəxs özünə xəsarət yetirdi - YENİLƏNİB

23.12.2025-ci il tarixində saat 18:35 radələrində 1994 -cü il təvəllüdlü şəxs (kişi) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

Bu barədə Avtosfer.az-a TƏBİB-dən məlumat verilib.

Bildirilib ki, başın tüklü hissəsinin açıq yarası diaqnozu təyin edilən pasiyentə zəruri tibbi xidmətlər göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb.

***23 dekabr, 20:24

Gəncədə 31 yaşlı kişi başından xəsarət alıb.

Avtosfer.az-ın yerli bürosunun məlumatına görə, 1994-cü il təvəllüdlü O.Kulaib başının çapılmış yarası və travması ilə xəstəxanaya yeləşdirilib.

Dərhal ona yardım edilib, vəziyyətinin orta-ağır olduğu bildirilib.

Məlumata görə, O.Kulaib sözü gedən ərazidə yerləşən mağazaların birinə oğurluğa girib. Bu zaman 31 yaşlı kişi tutulduğunu görərək başını divara çırpıb. Hazırda hadisə yerinə polis əməkdaşları cəlb edilib. Fakt araşdırılır.