Gəncədə qadını maşın vurdu - YENİLƏNİB

27.10.2025-ci il tarixində saat 09:20 radələrində 1976-cı il təvəllüdlü şəxs (qadın) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub. 

Avtosfer.az xəbər verir ki, bu barədə TƏBİB məlumat yayıb.

Bildirilib ki, politravma, hematoraks, sağ bazu sümüyünün sınığı diaqnozu təyin edilən pasiyentə zəruri tibbi xidmətlər göstrilib. Vəziyyəti orta ağır qiymətləndirilən şəxsin müalicəsi müvafiq şöbədə davam etdirilir.

***09:18

Gəncədə piyadanın xəsarət alması ilə nəticələnən yol qəzası baş verib. 

Avtosfer.az unikal-a istinadən xəbər verir ki, hadisə şəhərin Pasyolka adlanan ərazisində qeydə alınıb. Belə ki, hərəkətdə olan avtomobil qadını vurub. Piyada xəstəxanaya yerləşdirilib. Hadisə yerinə polis əməkdaşları cəlb edilib.

Fakt araşdırılır.