Gültəkin Hacıbəyli Türkiyədə saxlanıldı

Milli Şuranın üzvü Gültəkin Hacıbəyli Türkiyədə saxlanılıb. Avtosfer.az "Teleqraf"a istinadən xəbər verir ki, o, bu barədə feysbuk hesabında paylaşım edib. İstanbulda kirayədə yaşadığı evə hüquq-mühafizə orqanının əməkdaşlarının gəldiyini bildirən Hacıbəyli, polis bölməsinə aparıldığını qeyd edib. Gültəkin Hacıbəyli Azərbaycana deportasiya olunacağını istisna etməyib.

Qeyd edək ki, ötən gün Dövlət Təhlükəsizliyi Xidməti Azərbaycan Xalq Cəbhəsi Partiyası sədri Əli Kərimli və onun müşaviri Məmməd İbrahimin evində axtarış aparıb. Hazırda DTX-də partiya funksionerlərinin dindirilməsi Prezident Admistrasiyasnın sabiq rəhbəri Ramiz Mehdiyevin cinayət işi üzrə davam edən istintaqla bağlıdır.