Həmkəndlisini maşınla vuraraq öldürən sürücü Ali Məhkəməyə müraciət etdi

Hadisə 24 İyun 2024 09:46 Oxunub 176
Həmkəndlisini maşınla vuraraq öldürən sürücü Ali Məhkəməyə müraciət etdi
WhatsApp kanalımıza abunə ola bilərsiniz

Biləsuvarda piyadanın ölümü ilə nəticələnən yol qəzası törətməkdə təqsirləndirilən Ziyafəddin Fətullayevin barəsindəki qərardan kassasiya şikayəti verilib.

Avtosfer.az xəbər verir ki, Ali Məhkəmədə keçiriləcək proses iyunun 27-nə təyin edilib.
Şikayət hakim İlkin Rəcəbovun sədrliyi ilə araşdırılacaq. 

Xatırladaq ki, Biləsuvar Rayon Məhkəməsinin hökmü ilə Z.Fətullayev 263.2-ci maddəsi ilə təqsirli bilinərək 2 il müddətə nəqliyyat vasitələrini idarə etmək hüququndan məhrum edilməklə 3 il 6 ay müddətinə azadlıqdan məhrum edilib.

Qeyd edək ki, hadisə 2023-cü ilin 15 avqust tarixində Biləsuvar rayonunun Çaylı kəndində baş verib. 1984-cü il təvəllüdlü Z.Fətullayev idarə etdiyi "Ford Tranzit" markalı avtomobil ilə hərəkətdə olarkən həmkəndlisi 1968-ci il təvəllüdlü Sələmə Sultanovanı vurub. Qadın hadisə yerində ölüb.

(pravda.az)

ŞƏRH YAZ
Ad

E-mail

Şərh