Husilər ABŞ-nin təyyarədaşıyan gəmisinə zərbə endirdi

Hadisə 31 May 2024 17:29 Oxunub 178
Husilər ABŞ-nin təyyarədaşıyan gəmisinə zərbə endirdi
WhatsApp kanalımıza abunə ola bilərsiniz

Yəmənin şimal və qərb bölgələrinə nəzarət edən "Ənsarullah" hərəkatı (husilər) ABŞ və Britaniya tərəfindən edilən hücumlara cavab olaraq Birləşmiş Ştatların "Dwight D. Eisenhower" təyyarədaşıyan gəmisinə Qırmızı dənizdə zərbə endirib.

Avtosfer.az xəbər verir ki, bu barədə "Əl-Məsirəh" telekanlı məlumat yayıb. 

Yəmənin briqada generalı Yəhya Sari bildirib ki, ordunun raket və dəniz qüvvələri təyyarədaşıyan gəmiyə qarşı birgə əməliyyat keçirib.

Məlumata görə, əməliyyat qanadlı və ballistik raketlərdən istifadə etməklə həyata keçirilib və dəqiq zərbə vurulub. 

Qeyd edək ki, ABŞ-nin "Dwight D. Eisenhower" təyyarədaşıyan gəmisindən ibarət zərbə qrupu 2023-cü ilin noyabrında Yaxın Şərqə gəlib. Onun bölgədə yerləşdirilməsinin məqsədi strateji əhəmiyyətə malik bu regionda artan gərginlik və münaqişələr fonunda ABŞ-nin hərbi varlığını gücləndirməkdir.

(baku.ws)

ŞƏRH YAZ
Ad

E-mail

Şərh