Husilərin Qırmızı dənizdə vurduğu yük gəmisi batdı

Hadisə 19 İyun 2024 12:11 Oxunub 212
Husilərin Qırmızı dənizdə vurduğu yük gəmisi batdı
WhatsApp kanalımıza abunə ola bilərsiniz

İyunun 12-də Yəmənin liman şəhəri Hudeyda sahillərində “Ansar Allah” hərəkatının husi qüvvələri tərəfindən hücuma məruz qalan gəmi Qırmızı dənizdə batıb.

Avtosfer.az xəbər verir ki, bu barədə Böyük Britaniyanın Dəniz Ticarət Nəqliyyatı Koordinasiya Mərkəzi məlumat yayıb.

Gəminin vurulduğu ərazidə onun qalıqları və neft tapılıb. “Ambrey” dəniz təhlükəsizliyi şirkətinin məlumatına görə, sözügedən yük gəmisi Liberiya bayrağı altında Qırmızı dəniz vasitəsilə Hindistana gedən Yunanıstana məxsus “Tutor” yük gəmisidir.

İyunun 12-də gəmiyə hücum barədə ABŞ Mərkəzi Komandanlığı məlumat yayıb. Nəticədə maşın otağı zədələnib və gəmidə böyük sızma yaranıb.

Bundan əvvəl Husi ordusunun sözçüsü Yəhya Saria, “Tutor” yük gəmisinin ciddi şəkildə zədələndiyini və batacağını söyləmişdi.

ŞƏRH YAZ
Ad

E-mail

Şərh