İçkili halda maşın sürüb vətəndaşı təhqir edən şəxs barədə DiN-dən AÇIQLAMA - VİDEO

Paytaxtın Yasamal rayonu, İnşaatçılar prospekti 147 ünvanında qeydə alınmış xoşagəlməz hadisəylə bağlı Avtosfer.az-da dünən (12 sentyabr) xəbər dərc olunmuşdu. Belə ki, 10-VA-969 qeydiyyat nişanlı “Toyota Land Cruiser Prado” markalı avtomobilin sürücüsü sözügedən ərazidəki köşkə yaxınlaşaraq satıcıya qeyri-etik davranış sərgiləmişdi.

DİN-in Mətbuat Xidmətinin əməkdaşı İbrahim Əmiraslanlı Avtosfer.az-a bildirib ki, paytaxtın Yasamal rayonu ərazisində vətəndaşın təhqir və təhdidə məruz qalması ilə bağlı paylaşılan məlumat araşdırılıb.

Həmin şəxs - 1991-ci təvəllüdlü F.Abdullayev müəyyən olunaraq polis orqanına dəvət edilib və barəsində qanunvericiliyə uyğun olaraq tədbir görülüb.