İşıqfora və yola baxmadan hərəkət edən piyada qorxuya düşdü - ANBAAN VİDEO

Paytaxtın Dilarə Əliyeva küçəsində qayda pozan piyada kameraya düşüb. Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Görüntüdən aydın olduğu kimi, avtomobillər üçün yaşıl işıq yansa da piyada növbəsini gözləmədən yolu keçməyə çalışır.  Bu zaman o, hərəkətdə olan nəqliyyat vasitəsinə qəfil görərək qorxur və geri çəkilir. Sonra isə əliylə sürücünün keçməsinə işarə edir.

Təəssüf ki, bəzi piyadalar nizamlanmış keçidlərdə işıqfora məhəl qoymadan yolu keçirlər. Lakin nizamlanmamış piyada keçidlərindən istifadə edərkən belə diqqətli olmaq lazımdır. Yolu keçən piyada, avtomobil dayandığına tam əmin olduqdan sonra hərəkətinə davam etməlidir. Əks halda qəza qaçılmazdır.

Nərmin