Kafedə atışma - 4 nəfər yaralandı

İstanbulun Avcılar səmtindəki kafedə baş verən atışma nəticəsində azı 4 nəfər yaralanıb.

Bu barədə polisdəki mənbələrə istinadən “Halk” telekanalı məlumat yayıb. Xəsarət alanlardan birinin vəziyyəti ağırdır. Televiziya şirkətinin məlumatına görə, üç nəfər atəş açıb. Hücum edənlər hadisə yerindən avtomobillə qaçıblar, polis onları axtarır. Hadisənin səbəbi aydınlaşdırılır, kafedə kriminal qarşıdurma baş verdiyi ehtimal edilir. (redaktor.az)