Keçidin yaxınlığında qayda pozan gənc qız sürücülərə təhlükə yaratdı - VİDEO

Paytaxtın Nərimanov rayonu, Vaqif prospektində qayda pozan piyada avtomobilin kamerasına düşüb.

Avtosfer.az-ın məlumatına görə, hadisə oktyabrın 3-də saat 10:49 radələrində qeydə alınıb. Videodan görünür ki, gənc qız yolu müəyyən olunmamış yerdən keçərək həm özünü, həm də sürücüləri təhlükəyə atıb. O, yaxınlaşmaqda olan avtomobilə əhəmiyyət vermədən laqeyd şəkildə yoluna davam edib.
Xoşbəxtlikdən, görüntünü qeydə alan avtomobilin sürücüsü ehtiyatlı davranaraq nəqliyyat vasitəsini vaxtında saxlayıb.

Qeyd edək ki, bir neçə metr qarşıda piyadaların təhlükəsizliyi üçün yeraltı keçid mövcuddur. Lakin bəzi piyadalar keçidlərdən istifadə etməyərək yolu istədikləri yerdən keçirlər və bu da ağır nəticələrə gətirib çıxarır. 

Nərmin