Kokain daşıyan sualtı qayıq ələ keçirildi

Portuqaliya hakimiyyəti Atlantik okeanında 1,7 ton kokain daşıyan sualtı qayığı ələ keçirib. Qayıq İber yarımadasına doğru hərəkət edərkən Portuqaliya donanması və polisin birgə əməliyyatı ilə saxlanılıb. Avtosfer.az "Baku.ws"ə istinadən xəbər verir ki, əməliyyat zamanı Ekvador, Venesuela və Kolumbiya vətəndaşlarından ibarət dörd nəfərlik ekipaj tutulub. Qayıq Lissabondan təxminən 1 000 dəniz mili məsafədə aşkar edilib və pis hava şəraiti səbəbindən açıq dənizdə batırılıb. Rəsmilər bildiriblər ki, hadisə beynəlxalq narkotik şəbəkələrinin Avropaya yeni marşrutlar tapmağa çalışdığını göstərir. Son illərdə Atlantikdə bu tip "narko-sualtı qayıqlar"ın sayının artdığı qeyd olunur.