Livanda bu dəfə elektron cihazlar partladı: 14 ölü, 450 yaralı - FOTOLAR

Livanda rabitə qurğularının partlaması nəticəsində ölənlərin sayı 14-ə çatıb.

Avtosfer.az xəbər verir ki, bu barədə “Al Mayadeen” telekanalı ölkənin Səhiyyə Nazirliyinə istinadən məlumat yayıb.

Bildirilib ki, silsilə hadisələr nəticəsində xəsarət alanların sayı azı 450 nəfərdir.

***

Livanda rabitə qurğularının yenidən partlaması nəticəsində 9 nəfər ölüb, 300 nəfər yaralanıb. Avtosfer.az-ın məlumatına görə, bu barədə "Al Hadath" telekanalı məlumat yayıb.

Livan mediasının yazdığına görə, bu dəfə partlayan peycerlər deyil, noutbuklar, mobil telefonlar və avtomobillər maqnitafonları olub. Xəbərdə deyilir ki, partlayışlar evlərdə və mobil telefon mağazalarında da baş verir.

Ölənlər arasında "Hizbullah" liderlərindən birinin oğlunun olduğuda da qeyd edilir.

Xatırladaq ki, sentyabrın 17-də Livanda peycer partladılması nəticəsində azı 12 nəfər ölüb, 4 min nəfərdən çox insan yaralanıb.

Namiq Musayev

​​​