Lombarda hücum oldu - Balta sapı ilə ... - VİDEO

Kürdəmirdə lombarda hücum olub, balta sapı ilə şüşələr sındırılıb. Avtosfer.az-ın məlumatına görə, hadisə Heydər Əliyev prospektində baş verib. Lombardın sahibi Zümrüd Abdullayeva iddia edir ki, səhər saatlarında həyat yoldaşı Yasər Abdullayev lombardda olarkən rayonun Sığırlı kənd sakini Vüsalə adlı qadın azyaşlı oğlu ilə birgə üzərində olan balta sapı ilə obyektin şüşələrini sındırıb. Hadisəyə səbəb isə həmin qadının lombarda qoyduğu qızılları geri ala bilməməsidir. Zümrüd Abdullayevanın sözlərinə görə, bu səbəbdən Vüsalə xanımla aralarında bir neçə dəfə narazılıq olub. Digər müştərilərlə razılığa gəlinsə də, hadisəni törədən qadınla bu mümkün olmayıb. Ona digər qızıllar da təklif olunub. Həmin qadın isə məhz öz əşyalarını geri istəyir. Obyekt sahibi məsələ ilə bağlı aidiyyəti qurumlara məlumat verib. Bu hadisə adı hallanan digər şəxs -İsmayıl Cəfərovla da əlaqə saxladıq. O isə məsələnin hüquq müstəvisində həll olunacağını dedi.

DİN-in Mətbuat xidmətinin Şirvan regional qrupundan bildirildi ki, polisə bu gün səhər saatlarında bir nəfər qadının mübahisə zəminində küt alətlə Kürdəmir rayonu ərazisində yerləşən lombardın şüşəsini sındıraması barədə məlumat daxil olub. Faktla bağlı rayon polis şöbəsində  araşdırma aparılır. Araşdırmanın nəticəsindən asılı olaraq məsələyə hüquqi qiymət veriləcək.

Daha ətraflı videomaterialda.